'కమ్ అండ్ సీ' యుద్ధ సినిమా పరిచయంపై ఒక చర్చ

 'కమ్ అండ్ సీ' యుద్ధ సినిమా పరిచయంపై ఒక చర్చ

సోవియట్ యూనియన్ ఉనికిలో ఉన్న కాలంలో వచ్చిన కళాత్మక యుద్ధ సినిమా Come and See ని వివరంగా పరిచయం చేసి (చూడటం, రాయడం ఆరుగంటలు పట్టింది) గత ఆదివారం వాట్సాప్ లోని మంచిసినిమా గ్రూప్‌లో పోస్ట్ చేశాను. దాన్ని తర్వాత మరి కాస్త సమాచారం జోడించి నా ఫేస్ బుక్‌లో పోస్ట్ చేశాను. ఆ సినిమా పరిచయం చదివి, చూసి విలపించామని డాక్టర్ గీతాంజలి గారితో సహా చాలామంది మంచి సినిమా గ్రూప్ సభ్యులు తమ అనుభూతిని పంచుకున్నారు. 

''సినిమా చూడ్డం మొదలెట్టి మళ్ళీ మీ ఈ విశ్లేషణ మొత్తం చదివాక చూద్దామని చదివాను. మనసంతా దుఃఖంతో వణికి పోయింది...ఇప్పుడు ఇసుకలో తుపాకీ తవ్వితీసిన బాలుడి జీవితం సినిమాలో చూడాలంటే భయం వేస్తోంది. గొప్ప విశ్లేషణ... నాజీ యుద్ధ సినిమాలు చాలా చూసాను కానీ మీ ఈ విశ్లేషణ చదివాక...హృదయం వేదనతో మెత్తబడి పోయింది.

సినిమా ఇప్పుడే ముగించాను ఏడుస్తూ చూసాను.. ఇక ఈ రాత్రి నిద్రపోలేను'' (డాక్టర్ గీతాంజలి గారు)

గత వారంరోజులుగా ఆ సినిమా పరిచయం గురించి మిత్రుల నుంచి వ్యాఖ్యలు, అభినందనలు వస్తూనే ఉన్నాయి. కాగా ఈ సినిమా పరిచయాన్ని కాస్త ఎడిట్ చేసి ప్రజాసాహితి మార్చి 2022 సంచికలో ప్రచురిస్తున్నామని 'ప్రజాసాహితి' పత్రిక సీనియర్ బాధ్యులు, మంచి సినిమా గ్రూప్ సభ్యులు కొత్తపల్లి రవిబాబు గారు నిన్ననే తెలిపారు. భావజాలపరంగా నిబద్ధత కలిగిన ఒక వామపక్ష సాహిత్య పత్రికలో ఈ సినిమా పరిచయాన్ని ప్రచురిస్తుండటం కంటే మించిన గౌరవం మరొకటి లేదు కదా..

ఈ కాకతాళీయం అర్థం చేసుకోవడం ఎలా?

ఇక్కడ ఒక విషయం మీ దృష్టికి తేవాలి. ఏ బెలారస్‌లో అయితే 75 ఏళ్ల క్రితం నాజీలు తలపెట్టిన సజీవ దహన కాండపై కమ్ అండ్ సీ అనే గొప్ప యుద్ధ వ్యతిరేక చిత్రాన్ని 1985లో సోవియట్ సినీ దర్శకుడు తీశారో అదే బెలారస్, దాని పక్కనే ఉన్న ఉక్రెయిన్‌పై రూపం మార్చుకున్న అదే రష్యా ఇప్పుడు యుద్ధం ప్రారంభించడం బాధాకరం. కమ్ అండ్ సీ సినిమాను నేను పరిచయం చేయడం యాదృచ్ఛికం కాగా, ఆ తర్వాత కొద్దిరోజులకే బెలారస్‌తో సహా ఉక్రెయిన్ మొత్తం యుద్ధ బీభత్సంలో కూరుకుపోవడం విషాదకరం. ఎందుకిలా జరిగింది, ఎవరిది తప్పు అనేది తేల్చాలంటే ప్రచ్చన్నయుద్ధ కాలం నుంచి ఇప్పటి వరకు అమెరికా కూటమికి, సోవియట్ యూనియన్,  ఆ తర్వాత రష్యా కూటమికి మధ్య కొనసాగుతూ వస్తున్న భౌగోళిక రాజకీయ (జియోపొలిటకల్) వ్యూహాలను అర్థం చేసుకోవలసిందే. ఒక చిన్న దేశంపైకి అంత పెద్ద దేశం యుద్ధం చేయవచ్చా అంటే, మనుషుల భావోద్వేగాల ప్రకారం చూస్తే తప్పే అనాల్సి ఉంటుంది. కానీ భావోద్వేగాల ప్రకారం మాత్రమే యుద్ధ పరిస్థితులు ఉత్పన్నం కావు కదా. కాబట్టే ఈ చర్చ ఇక్కడ అప్రస్తుతం. ఉక్రెయిన్‌ని వారూ వీరూ తేడా లేకుండా అందరూ బలిచేశారన్నదే వాస్తవం.  కానీ కమ్ అండ్ సీ సినిమా పరిచయం నేను అనుకోకుండా చేయడం, ఆ వెనువెంటనే యుద్ధం మొదలుకావడం నాకయితే షాకింగ్‌గా ఉంది. ఇది పూర్తి యాదృచ్ఛిక ఘటన మాత్రమే అయినప్పటికీ ఇంత కాకతాళీయంగా ఇవెలా జరిగాయన్నదే ఒక షాకింగ్ అనుభూతిని కలిగిస్తోంది.

ఆ తర్వాత ఈ ఆదివారం రాత్రి (27-02-2022) మంచిసినిమా గ్రూపులో ఆ సినిమా పరిచయంపై కొందరు మిత్రులు చేసిన వ్యాఖ్యలకు ఆలస్యంగా ప్రతిస్పందించాను. చాలామంచి సమీక్ష చేశారని వారు పెట్టిన వ్యాఖ్యలకు ధన్యవాదాలు తెలిపాను.

ఆ సమయంలోనే..  1985లోనే ఏదో ఒక ఫిలిం ఫెస్టివల్‌లో 'కమ్ అండ్ సీ'' సినిమాను చూశానంటూ ఒక తెలుగు సినీ దర్శకుడు దిగ్భ్రాంతికరమైన విషయాలు నాతో పంచుకున్నారు. 'ఆ సినిమా చూసిన నాకే కాదు, చూసిన వాళ్లందరికీ జ్వరం వచ్చినట్టుగా అయిపోయింది. ఆ మహా దర్శకుడు Elon Klimov అధ్వర్యంలో Moscow film institute లో సినిమా కోర్సులో అవకాశం వస్తూ, వస్తూ, కోల్పోయిన వాణ్ణి'' అంటూ తెలుగు సినీ దర్శకుడు (స్క్రీన్ ప్లే చిత్రం)  కెఎల్ ప్రసాద్ గారు చాలా సేపు నాతో మంచి పుస్తకం గ్రూప్ లో చాట్ చేసి అనేక విషయాలు చెప్పారు. ఈయన మంచిసినిమా గ్రూప్ సభ్యులు కూడా.

మూడు దశాబ్దాలకు పైగా తెలుగు చలనచిత్రసీమతో నిత్య సంబంధాలు కలిగి ఉన్న కేఎల్ ప్రసాద్ గారు రెండేళ్ల క్రితం తీసి, రిలీజ్ చేసిన ఒక ప్రయోగాత్మక తెలుగు చిత్రం 'Screenplay of an Indian Love Story' గురించిన తన  అనుభవాలను కూడా నాతో పంచుకున్నారు.

అందుకే గత రాత్రి మా మధ్య జరిగిన వాట్సాప్ చర్చను ఒకచోట చేర్చి ప్రత్యేకంగా కథనంగా అందిస్తే మంచిదని భావించి ఇక్కడ పోస్ట్ చేస్తున్నాను. వ్యాఖ్య, ప్రతివ్యాఖ్య రూపంలో మా ఇద్దరి మధ్య జరిగిన సంభాషణలో కొంతభాగాన్ని ఆసక్తి ఉంటేనే ఇక్కడ చదవగలరు. 

............................

మంచిసినిమా గ్రూప్ గురించి కొంత

(ఇక్కడ ఒక విషయం చెప్పాలి. వాట్సాప్ లోని కొన్ని మంచి చర్చా బృందాల్లో మంచిసినిమా గ్రూప్ ప్రముఖమైంది. సాధారణంగా మనం థియేటర్లలో చూడలేని అపురూపమైన చిత్రాలను, వరల్డ్ క్లాసిక్స్ మూవీస్‌ని ఈ గ్రూప్ తన సభ్యులకు పరిచయం చేస్తూ చూడమని చెబుతూ ఉంటుంది. యూట్యూబ్‌లో క్లాసిక్స్ సినిమా లింకులు పెడుతూ వాటిని క్లుప్తంగానూ, విపులంగానూ పరిచయం చేస్తూ, జూమ్ ద్వారా కూడా చర్చలు, సినిమాలు చూపిస్తూ ఉన్న చక్కటి ప్రామాణిక సినిమా చర్చా బృందం మంచిసినిమా గ్రూప్. గత కొన్ని సంవత్సరాలుగా కొన్న వందల ప్రపంచ క్లాసిక్స్ మూవీస్‌ని వీరు పరిచయం చేసారు. చూపించారు కూడా. 

ఈ గ్రూప్ గురించి ఇంకా ఎవరికైనా తెలియకపోతే, మంచి సినిమాల పట్ల ఆసక్తి, అభిరుచి ఉండి చూడాలని, తెలుసుకోవాలని అనుకుంటే మంచిసినిమా వాట్సాప్ గ్రూప్ లో జాయిన్ కండి. మీ మొబైల్ నంబర్ ఇస్తే ఈ గ్రూప్ నిర్వాహకులు ఐకా బాలాజీ ( Aika Balaji - 90077 55403) గారు మిమ్మల్ని మంచిసినిమా గ్రూప్ లో చేరుస్తారు.

నిజంగానే మంచి సినిమాలు, క్లాసికల్ మూవీస్‌ని చూడాలని తెలుసుకోవాలని ఆశిస్తున్న వారికి వాట్సాప్ లోని మంచిసినిమా గ్రూప్ ఒక కరదీపిక లాంటిది.

ఇది ప్రమోషన్‌కి సంబంధించిన పోస్ట్ కానే కాదు అని పాఠకులు గుర్తిస్తే చాలు.)

..........................

ఇప్పుడు మంచిసినిమా వాట్సాప్ గ్రూపులో కెఎల్ ప్రసాద్ గారికీ నాకూ మధ్య జరిగిన సంభాషణలో కొంత భాగాన్ని ఇక్కడ పొందుపరుస్తున్నాను చూడండి. 

కెఎల్ ప్రసాద్ గారు

మీ ఆలోచనా విధానం, నిబద్ధత, సాంఘిక బాధ్యత, మన professional film critics వుండి వుంటే ఎంతో బాగుండేది.... 

మీ Come and See పరిచయం చదివి ఎంత వుద్వేగానికి లోనయ్యానో చెప్పలేను. బహుశా film festival లో 1985 లో చూసాననుకుంటాను. నాకే కాదు, చూసిన వాళ్లందరికీ జ్వరం వచ్చినట్టుగా అయిపోయింది. ఆ మహా దర్శకుడు Elon Klimov అధ్వర్యంలో Moscow film institute లో సినిమా కోర్సులో అవకాశం వస్తూ, వస్తూ, కోల్పోయిన వాణ్ణి. 

..................

రాజు

సినిమా రంగంతో మంచి పరిచయం ఉన్న మీరు ఇంత గొప్పగా 'కమ్ అండ్ సీ' సినిమా పరిచయం గురించి చేసిన వ్యాఖ్యను వినమ్రంగా స్వీకరిస్తున్నాను సర్. ఎప్పుడో 1950ల మొదట్లో కొడవటిగంటి కుటుంబరావు గారు కినీమా పత్రికలో చేసిన రివ్యూలు ఆనాటి తెలుగు సినిమా ప్రయాణం పట్ల ఒక దార్శనిక దృష్టిని అందించాయని మీకూ తెలుసు. మన హీరోహీరోయిన్ల తొక్కుళ్లు, వారి చుట్టూనే తిరిగే బీభత్స భయానక కథా గమనాలు దాటి, మలయాళ సినిమా పోకడల అంచుల వరకయినా మన సినిమాలు పోగలిగితే ఎంత బాగుంటుందనేది నా ఆలోచన. ముఖ్యంగా గత రెండేళ్ల కరోనా కాలం నాకే కాదు. ఎంతోమంది కళ్లు తెరిపించిందనుకుంటాను. ఓటీటీల్లో సులభంగా దొరుకుతున్న సినిమాలను ఏది పడితే అది చూడకూడదనే గొప్ప జ్ఞానాన్ని అందించింది కరోనా సమయం. మన సినిమాలపై నేను చేసిన ఆ పరుష వ్యాఖ్యను సానుకూలంగానే తీసుకున్నందుకు చాలా చాలా ధన్యవాదాలండీ...

............................

కెఎల్ ప్రసాద్ గారు

మీరన్నది నిజం రాజు గారూ! Corona కారణంగా మనవాళ్లు OTT లో మలయాళం సినిమాలు చూసి చాలా తెలుసుకుంటున్నారు. 

మలయాళ సినీ రంగంలో మధు అంబట్ చాలా ప్రముఖుడు. He is a very famous Cinematographer & Director. తను హైదరాబాద్ వచ్చినపుడు ప్రత్యేకంగా సినిమా (Screenplay of an Indian Love Story) ప్రదర్శించి చూపించాను. నన్ను తిట్టి తిట్టి వదిలాడు.

''పాతికేళ్లుగా మనం స్నేహితులం. ఈ సినిమా గురించి నాకెందుకు చెప్పలేదు! ఇదే సినిమాని మలయాళంలో తీసివుంటే నిన్ను నెత్తి మీద పెట్టుకుని ప్రపంచం అంతా తిప్పేవారు. మీ వాళ్లు కోటి రూపాయలిచ్చి రైట్స్ కొనేవారు. తెలుగులో తీసావుగా, అనుభవించు'' అని శపించాడు. 

మలయాళం నాకు తెలియని భాష. పైగా తెలుగులో కూడా మీలాంటి సినిమాలు రావాలని కదా నా తాపత్రయం అని సర్ది చెప్పాను.

.........................

రాజు

కెఎల్ ప్రసాద్ గారూ, ఈ రాత్రి మీ వంటి నిజమైన సినీ కళాకారుడి పరిచయం ఇలా కావడం గొప్ప భాగ్యంగా భావిస్తున్నాను. తెలుగు సినిమా రంగంలో సినిమా కళ పట్ల ఇంత అభినివేశం ఉన్న వ్యక్తులు ఉంటారా అనే నా చిరకాల సందేహాలను ఈ రాత్రి మీ వ్యాఖ్యలతో నివృత్తి చేశారండి. మీలాంటి వారు సీనీరంగంలో లైమ్ లైట్ లో లేనందుకు మనందరం కలిసి బాధపడాల్సిందే. మధు అంబట్ అంతటి వ్యాఖ్య మీపై చేశారంటే గ్రేట్. ఇకపోతే 1985లోనే కమ్ అండ్ సీ యుద్ధ సినిమా చూసిన అనుభవం పంచుకున్నారు. మీతో పాటు అందరికీ ఆరోజు జ్వరం వచ్చిందన్నారు. ఇప్పటికీ అదే అనుభూతి చాలామందికి కలుగుతోంది. ఆ చిత్ర దర్శకుడి అధ్వర్యంలో Moscow film institute లో సినిమా కోర్సులో అవకాశం వస్తూ, వస్తూ, కోల్పోయిన వాణ్ణి అని మీరు చెప్పడం చాలా బాధ కలిగిస్తోంది. మనం దీనికి సంబంధించిన విశేషాలు నేరుగా ఫోనో లోనే మాట్లాడుకుందాం అండి. 

మీరు తీసి పలు ఇబ్బందులు ఎదుర్కొన్న ఆ సినిమా Screenplay of an Indian Love Story మేం ఇప్పుడైనా చూసే అవకాశం ఉందా.. యూట్యూబ్ లో దొరికితే మరీ సంతోషం. కనీసం మంచి సినిమా గ్రూప్ సభ్యులకైనా చూసే ఏర్పాటు చేయండి సర్. 

మొన్న ఆదివారం కమ్ అండ్ సీ సినిమా పరిచయం చేయడం. 1985లోనే ఆ సినిమా చూసి జ్వరం తెచ్చుకున్న వ్యక్తి ఈ ఆదివారం పరిచయం కావడం.. మాటల్లో చెప్పలేనంత మహదానందంగా ఉంది. వీలైనంత త్వరలో మనం మాట్లాడుకుందామండి. మీ మొబైల్ నంబర్ తీసుకున్నాను. 

మంచిసినిమా గ్రూప్ ద్వారా మీ పరిచయం ఇలా కావడం చాలా చాలా ఆనందంగా ఉంది నాకయితే. మనలో మాట.... ప్రజాసాహితి పత్రిక వారు కమ్ అండ్ సీపై నేను పరిచయం చేసిన కథనాన్ని మార్చినెల సంచికలో ప్రచురిస్తున్నారు. వారి అవసరాలకు అనుగుణంగా కాస్త ఎడిట్ చేశారట. పర్వాలేదండి. ఎలాగోలో చేరవలసిన వారికి వాయిస్ పోతుంది కదా. అదే చాలు..

......................

కెఎల్ ప్రసాద్ గారు

నేను తీసిన Screenplay of an Indian Love Story సినిమాపై ఒక Newyork based film critic రాసిన రివ్యూ కారణంగా (ఆయన సాధారణంగా European classics మీద రివ్యూలు రాస్తుంటారట.) Spain లో జరిగిన On line festivals చాలా ఆదరించాయి నా సినిమాని. చాలా విషయాలున్నాయి రాజు గారు! సినిమా మీద మీకున్న ప్రేమకి జోహార్లు. మీకు సమయం వుంటే నా సినిమా మీద IMDB.COM లో రివ్యూలు చదవండి.

Screenplay of an Indian love story

https//www.imdb.comtitlett11905470ref_=fn_al_tt_1

,,,,,,,,,,,,,,,,,,,,,,

రాజు

దాదాపు 80 ఏళ్ల క్రితం చలంగారు గొప్ప కామెంట్ చేశారండి. కమ్యూనిస్టులు ప్రాణాలు తృణప్రాయంగా వదిలేయడానికి సిద్ధపడతారు కానీ స్త్రీ హృదయాన్ని అర్థం చేసుకోలేరు అన్నారాయన. కాని కమ్యూనిస్టులు అన్న పదం స్థానంలో పురుషులందరూ అని చేరిస్తే బాగుంటుందండి. 

2020లో థియేటర్లలో Screenplay of an Indian love story చిత్రం రిలీజ్ అయిన సందర్భంగా హీరోయిన్‌గా నటించిన ఆ అమ్మాయి ప్రగతి యాదాటి చెప్పిన మాటల్లో నిజాయితీ ఉంది. డబ్బుల్లేక ప్రమోట్ చేసుకోలేకపోయాం అంటూ ప్రసాద్ థియేటర్ ఎదురుగా చానెల్స్‌తో ఆమె చెప్పిన మాట నిజంగా బాధాకరం. 

కనీసం ఒటీటీలో కూడా దీన్ని విడుదల చేయలేకపోయారా అని డౌట్. ఇప్పుడు నేను, నాలాంటివాళ్లు ఈ సినిమాను ఎలా చూడాలి? వచ్చి రెండేళ్లయిపోయింది. అన్ని ఇంగ్లీష్ పత్రికల్లో కూడా దీనిపై మంచి రివ్యూస్ వచ్చాయి. కానీ ప్రమోట్ చేయలేక ఇది ప్రచారం కాలేదే. చాలా బాధాకరం ఇది.

Screenplay Of An Indian Love Story Movie Heroin  CMN Telugu TV

https//www.youtube.com/watchv=D66hpsTOTAk

.......................

రాజు

IMDb.com లో ఇప్పుడే మీ సినిమాపై రివ్యూ, ట్రయిలర్ కూడా చూశాను. బ్యాక్ గ్రౌండ్ మ్యూజిక్ అదిరిపోయిందండి. మొత్తం కథను అదే మోసుకుపోయినట్లుంది.

....................

కేఎల్ ప్రసాద్ గారు తీసిన Screenplay Of An Indian Love Story సినిమా ట్రయిలర్ చూడటం తప్ప సినిమాను చూడలేదు కాబట్టి దాని గురించి వ్యాఖ్య ఇక్కడ చేయలేదు. అయితే 2020లో విడుదల సందర్భంగా ఈ సినిమా హీరోయిన్ ప్రగతి యాధాటి చెప్పిందాని ప్రకారం, కాలేజీ ఆమ్మాయిలకు ఈ సినిమాను విడిగా చూపిస్తే 'మొదటగా అబ్బాయిలకు ఈ సినిమా చూపించండి, వారిలో మార్పువస్తే చాలు' అని ముక్తకంఠంతో అన్నారట. 

పరుచూరి గోపాలకృష్ణ, కత్తి మహేష్ గార్లు కూడా ఈ సినిమా గురించి చాలా పాజిటివ్ గా చెప్పారు. అంచనాలకు మించిన సినిమా.. కేవలం మూడుపాత్రలతో, అద్భుతమైన ప్రేమకథతోపాటు సామాజిక అంశాలను స్పృశించిన విధానం చాలా బాగుందని వీరన్నారు. విద్యార్థుల రాజకీయాల గురించి, మహిళల పట్ల భారతీయ సమాజంలో జరుగుతున్న అన్యాయాల గురించి నిర్భయ వంటి ఘటనల గురించి సరికొత్తగా చెప్పిన సినిమా అని వీరు దీన్ని ఆకాశానికి ఎత్తేశారు.

'అబ్బాయికి అమ్మాయికి పెళ్లిచేసిన తల్లిదండ్రులు ఈ సినిమాను చూడాలి. పెళ్లి చేసుకున్న తర్వాత అబ్బాయి, అమ్మాయి ఈ సినిమా చూడాలి. పెళ్లి చేసుకోబోయే అబ్బాయి అమ్మాయి కూడా ఈ సినిమా చూడాలి' అని పరుచూరి గోపాలకృష్ణ గారు ఈ సినిమాపై ప్రశంసల వర్షం కురిపించారు. మూడు పాత్రలతో, సింగిల్ లొకేషన్లో వైవిధ్యపూరితంగా తీసిన సినిమా అంటూ వీరు చెప్పిన విధానం ఆసక్తిదాయకంగా ఉంది.

Paruchuri Gopala Krishna Great Words  Screenplay of an Indian Love Story  K L Prasad  Pragathi Y

https//www.youtube.com/watchv=DZ4kMd31izI

Kathi Mahesh Review about Screenplay of an Indian Love Story Movie  

https//www.youtube.com/watchv=LsRtnqZXuJ0

...........................

ఆసక్తి కలిగినవారు కింది లింకుల్లోని ఈ చిత్ర సమీక్షను చూడగలరు. దాదాపు జాతీయ ఆంగ్ల పత్రికలన్నీ ఈ సినిమా గురించి సమీక్షించాయి. ఈ సినిమా త్వరలోనే ఓటీటీలో వస్తోందని కేఎల్ ప్రసాద్ గారు చెప్పారు. కోవిడ్ కాలంలో మిస్సయిన వారందరూ ఈ సినిమాను చూసే అవకాశం ఉంది.

Screenplay of an Indian love story

https//www.imdb.comtitlett11905470ref_=fn_al_tt_1

An immensely successful film director is getting ready for his latest release when he gets the shock of his life - his wife wants a divorce. He places a condition before her, that the two of them should spend 24 hours in a far off place, with no other people and no outside communication, after which she can do as she pleases. She agrees and they drive to a farmhouse, but will 24 hours be enough for him to re-captivate his wife

A successful Indian film director faces the biggest crisis of his life in the middle of the week of his biggest movie release. His wife of 8 years suddenly declares that she wants to file for divorce and insists on publicly announcing their separation immediately.

—Shrinivas G. Kulkarni

.........................

Screenplay of an Indian love story  A gripping tale of present-day relationships and moral decay

https//newsmeter.inentertainmentscreenplay-of-an-indian-love-story-a-gripping-tale-of-present-day-relationships-and-moral-decay-679624

It is KL Prasad's directorial debut. He has intersetengly titled this film as 'Screenplay of an Indian Love Story'

................

కమ్ అండ్ సీ సినిమాపై నా పరిచయం చదవకపోతే కింది లింకులో చూడవచ్చు.

సినిమా కళను ఉద్దీప్తం చేసిన యుద్ధ వ్యతిరేక చిత్రం.. 'కమ్ అండ్ సీ'

kanthisena.blogspot.com/2022/02/blog-post.html